पंढरपूर,टीम—
चंद्रभागा नदी पात्रातील अवैध वाळू उपसा ही नित्याचीच बाब बनली असून पंडित कितीही खमक्या अधिकारी आला तरी अवैध वाळू उपसा काही केल्या बंद होत नसल्याचे दिसत आहे परंतु मध्यंतरी जिल्हाधिकाऱ्यांनी आदेश दिल्यानंतर महसूल प्रशासन आता पुन्हा नव्या जोमाने खडबडून जाहे झालो असून अवैध गौण खनिज उत्खनन व वाहतूकी विरोधात पंढरपूरच्या महसूल विभागाने धडक मोहीम हाती घेतली आहे.परंतु आता या पुढील कारवाई नेमकी कोठे होते याकडेही अनेकांच्या नजरा लागले आहेत.
तालुक्यात महसूल विभागाच्या भरारी पथकाव्दारे पंढरपूर येथील चंद्रभागा नदीपात्रात वाळू चोरीसाठी वापरण्यात येणारे 4 तराफे नष्ट केले तर शिरढोण येथे वाळू उपसा करत असताना एक जेसीबी नष्ट करण्यात आला असल्याची माहिती तहसिलदार सचिन लंगुटे यांनी दिली.
पंढरपूर तालुक्यातील अवैध गौण खनिज उत्खनन रोखण्यासह वाळूची अवैध वाहतूक करणाऱ्यांच्या विरोधात कारवाई करण्यासाठी प्रांताधिकारी सचिन इतापे , तहसिलदार सचिन लंगुटे यांच्या मार्गदर्शनाखाली ही कारवाई करण्यात आली. पंढरपूर येथील चंद्रभागा नदी पात्रात अवैध वाळू वाहतुकीसाठी वापरण्यात येणारे सुमारे दोन लाख किमतीचे 4 तराफे पुर्णपणे नष्ट करण्यात आले असून कृषा नाना नेहतराव यांच्यावर गुन्हा दाखल करण्यात आला आहे,तसेच शिरढोण (ता.पंढरपूर) येथून नदीपात्रालगत वाळू चोरी करत असताना 1 जेसीबी पकडून तो शासकीय धान्य गोदाम येथे जमा करण्यात आला. त्याचबरोबर गाढवावरून वाळू चोरी करणाऱ्या व्यक्तींविरुद्ध चॅप्टर केस ची कारवाई प्रस्तावित करण्यात आली असल्याचे तहसिलदार सचिन लंगुटे यांनी सांगितले.
या भरारी पथकात मंडलाधिकारी विजय शिवशरण, तलाठी अमर पाटील, प्रमोद खंडागळे, श्रीकांत कदम, महेश कुमार सावंत, गणेश पिसे , प्रशांत शिंदे ,वाहन चालक नितीन काळे तसेच पंढरपूर शहर पोलीस स्टेशन चे कर्मचारी सहभागी होते.
महसूल प्रशासनाच्या वतीने वेळोवेळी अवैध वाळू वाहतुकीवर कारवाई केली जाते परंतु या कारवाईमध्ये सातत्य न राहत असल्यामुळेच वाळूमाफिया मुजोर बनत असल्याचेही चर्चा पंढरीत रंगली आहे.
